Cháu liáu chiok bái--ê...😔

Cháu kap 17 chì 18K kha-chhng to̍h khai-sí kám-kak koài-koài, káⁿ-ná sió-khóa-á bô la̍t, kàu 22K to̍h oân-choân cháu bē khì--ah...😩

Āu-poàn góa cháu kap ū-kàu thiám ū-kàu kan-khó͘, kàu 31.5K khòaⁿ tio̍h tāi-hōe ê kau-thong-chhia, chha chi̍t-tiám-á to̍h beh hòng-khì khì chē chhia--ah...

Bé-á kúi-lō K ná cháu ná kiâⁿ ná sǹg sî-kan, khòaⁿ tńg--khì kám ē-hù, chin-chiàⁿ sī, góa cháu tit-beh 10 nî--ah, choân bé pí-sài ū cháu pí che koh khak kan-khó͘--ê, to̍h m̄ bat cháu kap hiah-nī-á thiám--ê.

Sī án-nóa ē kap goân-tóe àn-sǹg--ê chha hiah chōe, góa iáu-koh siūⁿ bē bêng, khó-lêng sī bô liān sok-tō͘ (tempo / interval )...? Ah-sī pí-sài chêng kúi lé-pài liān--ê iáu-bē khoe-ho̍k? Koh ài khòaⁿ-māi--leh.