2014樂施會毅行者賽後包膠
成績 – 27小時44分鐘
記得上年GoDone首次派人出戰毅行者，親身迎接佢地衝線既一刻非常熱血，於是發誓今年要參加，好好彩今年有機會。
初初目標想輕鬆少少、時間唔太長唔太快既30小時(我認為)完成，於是揀左入基仔隊，但我發現我錯鳥，o係毅行既字典裡面，無論挑戰Super隊、定係hea足48個鐘，都唔會有輕鬆呢樣野。
好喇！入返正題，我地頭3段pacing行得好好，果陣都有諗過大貪d 21-22個鐘做target，可惜好景不再，第四段就落左成晚雨，行完第五段我隻腳掌已經酸痛，速度直線下跌，最慘莫過於去到cp7，隻腳掌終於頂唔住要搵醫療輔助隊借按摩膏搽下，除鞋至發現已經有幾達起左水泡同兩隻腳甲爆左甲，要醫療輔助隊既人幫我包埋，仲有成30km路有排捱，如果我參加緊既係hk100我應該剪帶投降算數，但如果真係咁做就做仆街仔累成隊冇team cert，或者呢d就係team spirit魔力，多謝呢個時候阿基整左兩粒panadol俾我，上大帽山果陣叫係頂到多幾公里，我發誓斷左對腳都要完成全程100km。
行到差唔多到cp8個水泡爆埋痛左一痛，腳掌依然酸痛只能龜速行走到尾，望住一隊又一隊爬我地頭個感覺都唔係好，好多謝隊友們唔嫌我慢，我知你地係好想sub 24完成，但無奈我能力有限，27個幾鐘或者淨係對我黎講係個ok既時間，始終平時完全唔行山，入隊至今只操過9次(其實都唔好話叫操，叫行山貼切d) ，仲要比賽前1個月冇再練過。
呢個event都算係唔錯，除左體能、團隊精神挑戰，仲係人脈網絡考驗，如果由我旗做隊長，我都應該有排至諗到搵咩人support同籌款，所心真心羨慕我班teammates同support team，全部都好輕易搞店。
btw, 操山的確幾辛苦，大至拗柴小至水泡，每次都怕受傷，所以都係主打跑步、游水算，不過總算叫係挑戰過全馬、公開水域、鐵人、毅行，下年會唔會參加，或者要睇有冇機會喇！
2014-11-16